Ka Young Lad’s CC kala jop da 7 wickets ïa ka Phramer CC, haka jingïalehkai jong ka District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi 13 tarik u Jymmang ha Mini Stadium, Khliehtyrshi.
Haba phai sha jingïalehkai ïa ka jingkynting toss la jop da ka Phramer CC kaba la kam trai ban tied nyngkong. Ka Phramer CC haba leit tied nyngkong kala tied 101 runs bad liem baroh 10 wickest ha ka overs kaba 19.4. U Wanteimi Ymbon ula tied 18 runs na ki 18 bols ryngkat kawei ka Six bad kawei ka Four, u Melan Suchiang pat u la tied 17 runs na ki 11 bol bols ryngkat kawei ka Six bad kawei ka Four. U Namewanki Pakyntein, nongkawang ball jong ka Young Lad’s CC ula ïoh ban khyrwit marwei 3 wickets na ki 4 overs.
Ka Young Lad’s CC ka pali jong ka ban beh ïa ka thong, ka la lah ban pynjop da ka ba kamai 105 runs na ki 14.5 overs bad duh 3 wickets. U Mewada Shylla ula long u nongtied uba paw bha mynta ka sngi da ka ba tied marwei 57 runs (khlem out) na ki 41 balls ryngkat 2 tylli ki Sixs bad 6 tylli ki Fours bad kane ka la pynlong ïa u ban ïoh khur ïa ka Nam Man of the Match.
Da kane ka nam rem, ka Phramer CC kala duh noh ïa ka lad ban rung sha ka Semi Final.
Na ka Pool-A ki team ba ïoh ban rung sha ka Semi Final ki dei ka West Jaiñtia Police CC ba long top team bad ka Mupliang SC ba ïoh ba ar ha ka miej khein Point.
Na ka Pool B pat ki team ba ïoh ban rung sha ka Semi Final ki dei ka Ummulong CC kum ka Top Team bad ka Mowkaiaw CYC ba wan ba ar ha ka miej khein Point.