Ka Mowkaiaw CYC kala jop da 36 runs ïa ka Moodymmai SC, ha ka jingïalehkai jong ka District Cricket League 2025 ba la pynïaid da ka West Jaiñtia Hills District Cricket Association (WJHDCA) mynta ka sngi 12 tarik u Jymmang ha Mini Stadium, Khliehtyrshi.
Haba phaisha ka jingïalehkai mynta ka sngi hapdeng ka Mowkaiaw CYC pyrshah ïa Moodymmai SC, ïa ki over la hap ban pynduna sha ki 10 overs na ki 20 overs namar ba don ka jingpynthut jong u slap naduh ka por step.
Ïa ka jingkynting toss la jop da ka Mowkaiaw CYC kaba la kamtrai ban tied nyngkong. Ka Mowkaiaw CYC haba leit tied nyngkong kala tied 88 runs na ki 10 overs bad liem 5 wickets. U Sanvert B Kurkalang u la ïoh 33 runs na ki 23 bol ryngkat 5 tylli ki Fours bad u Ardakirang Rymbai, 29 run (khlemout) na ki 13 bol ryngkat kawei ka Six bad saw tylli ki Fours, kine kila long ki ar ngut napdeng ki nongtied jong ka kiba lehbha mynta ka sngi. U PyndapLamin, nongkawang ball jong ka Moodymmai SC ula ïoh ban khyrwit marwei 2 wickets na ki 2 overs.
Ka Moodymmai SC ha ka pali jong ka ban beh ïa ka thong, ki nongtied jong ka kiba mih madan mynta ka sngi kim lah ban pynjop bad ki lah ban tied tang 52 runs na ki 10 overs bad duh noh 2 wickets. U Levestar Phawa (C) ula long tang ma u marwei uba ïalehkaibha da kaba tied marwei 24 runs (khlem out) na ki 31 balls ryngkat 2 tylli ki Six. U Kitboklang Lyngdoh bad u Sandabiang Lathong, ki nongkawang bol jong ka Mowkaiaw CYC ki la ïoh ban pynhap mar 1 wicket na ki 2 overs.
U Sanvert B Kurkalang jongka Mowkaiaw CYC uba ïalehkai bha ha ka batied ula ïoh ban khur ïa ka Nam Man of the Match.
Da kane ka jingjop, ka Mowkaiaw CYC kala longba ar haka miej kheiñ Point jong ka Pool-B da kaba jop saw sien, rem bad ïasampoint shisien na baroh 6 tylli ki jingïakhun bad ïoh 9 Points, ka Moodymmai SC pat ka khlem lah ban jop tang shisien ruh bad ïasam point ha ki ar tylli ki jingïakhun na ki 6 tylli ki bad ka long ba khadduh ha ka miejkheiñ Point jong ka Pool-B. Ka Mowkaiaw CYC kan dang ap ïa ka result jong lashai ka jingïalehkai ba kan tip la kan ïoh rung ne em sha ka Semi Final.
Ka jingïalehkai lashai kasngi Tuesday, 13/05/2025 ka ba long ka jingïalehkai ba khadduh ha ka League Stage, hapdeng ka Phramer CC pyrshah ïa ka Young Lad’s CC naduh ka por 8 baje shiteng mynstep.