Ka Meghalaya Powerlifing & Fitness Association (MPFA) ka la pyntip paidbah sha ki lad pathai khubor ba kan pynlong ia ka 3rd Meghalaya Power Lifing ha ka 29 tarik Lber 2025 ha Umsning Ri Bhoi District.
Haba kren sha ki lad pathai khubor na ka liang u Bah Franky Nongrum General Secretary kane ka kynhun u la ong ka jingpynlong ia kane ka 3rd Powerlifing ka long ruh kum shi bynta ban kyntiew ia ki khynnah ialehkai ka Jylla kiba don la ki sap ba kin mih shakhmat ban iashim bynta ha kine ki jingialehkai Powerlifing.
Na ka liang ka Association ka khot ka wer ruh ia ki samla ialehkai na kylleng ki jaka jong ka Jylla kynthup ia ki shynrang bad kynthei ba kin wan iashim bynta sha kane ka jingialehkai.
Ki khynnah kiba kwah ban shim bynta ha kane ka jingialehkai ki hap ban register ialade ha ka dor Rs.500/- tyngka lyngba ki online bad yn pdiang ban register ha kato ka sngi ba pynialehkai.
Shwa ban pynkut u la ong ruh donkam ban hikai ia ki khynnah naduh dang rit ha ka jingialehkai khnang ban ioh ia ki player ialehkai kiba biang bad kiba tbit lada ym ioh ban hikai ia ki khynnah naduh dang rit kan shem jingeh ban ioh ia ki khynnah ialehkai kiba biang.
Ka jingpynrung ia ka jingialehkai ha ki skul ka dang duna bha donkam ban pynrung ia ka jingialehkai ha ki skul bad donkam ruh ia ki nonghikai kiba tbit ban ai jinghikai ia ki khynnah ha ki skul khnang ban kiew ka lawei jong ki khynnah kiba ialehkai ha ki jingialehkai sport bapherbapher.
Na ka liang ka Meghalaya Powerlifing Fitness Association ka kyntu ruh ia ka Sorkar lyngba ka tnad ialehkai ba kan iarap ia ka jingpynlong ia kane ka 3rd Meghalaya Powerlifing Fitness Association khnang ba kan kiew ka jingialehkai Powerlifing ha ka Jylla.