Ka Shillong Lajong FC ka la ioh ban khur 3 poiñ hynne ka sngi ha ka jingiakhun pyrshah ia Gokulam Kerala ha ka wat ba 17 jong ka lympung I-League 2024-25.
Lah ban ong ba ha katei ka jingiakhun kaba jwat, ka Lajong ka la ioh jingjop lyngba ka kol kaba la thep da u rangialehkai ka Brazil, u Renan Paulo D. Souza ha ka minit ba 90+6 kaba dei ka minit ba la ai da u rephri (extra time).
Katba ia kitei ki 3 kol na ka bynta ka Lajong la ioh ban thep da u Phrangki Buam 2 kol (14 ,50), bad u M. Rudwere Genar Silva shi kol (85). Na ka bynta ka Kerala, ia ki 3 kol la thep da u T. Brown (9, 54) bad shi kol na u Shereef (88).
Lyngba katei ka jingjop ka Lajong ka la kiew biang mynta ha ka kyrdan ba 4 katba ka Kerala kaba la duh poiñ hynne ka sngi ka la hiar sha ka kyrdan ba 6.
