Ka jingialehkai mynta ka sngi hapdeng ka Amlariang Sport Club pyrshah ia ka Chnongthmai Sport Club jong ka 8th inter-dong bala pyniaid da ka Seng Samla Khlachympa Sports and Cultural Club Nongtalang haka por 2.30 baje nohphai sngi ka la poi sha ka jingiakhaid.
Ka jingialehkai mynta ka sngi kala kut ha ka jingiakhaid da mar 1-1 kol. Ia ka shi goal jong ka Chnongthmai SC la ioh ban thep da u Wanbor Lakachiang bad ia ka shi goal jong ka Amlariang SC pat la ioh ban thep da u Returnback Bareh.
Haba phai sha ka jingialehkai mynta ka sngi ka long shisha kaba ia ryngkat bor wat la ki la pyrshang ban thaw ki lad ki lynti, ki buit ki bor hynrei ha kaba khatduh ki hap ban iasham mar shi point.
Ia ka Namtam (Man of the match) la ioh da U Dewamankimi Myrchiang na ka Amlariang SC.
Haka sien ba nongkong ka Amlariang SC kala ioh ban rung haduh ka semi-final jong ka inter-dong bad ka long ka team kaba nongkong ban ioh rung sha ka Semi Final jong ka inter-dong mynta u snem.
Bud sa ka jingialehkai lashai ka sngi kata 16th October 2025 haka por 2:30 baje nohphai sngi hapdeng ka Banan SC pyrshah ia ka Tympang SC.
