Ka jingïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid daka East Jaiñtia Hills District Football Association (EJHDFA) kaba la long mynta ka sngi saitjaiñ ha madan Artificial Turf, Diengshynrum, Khliehriat.
Ha ka jingïakhun kaba nyngkong kaba la long hapdeng ka Diengshynrum SC pyrshah ïaka Chiehruphi SYWSC kila poi sha ka jingïakhaid khlem don kiba ïoh ban thep kol (0-0).
Katba haka jingïakhun ba ar ka Shilliang Umshong SC kala jop da 2-1 kol ïaka Thangskai Tiger SC, ïa ki kol na ka Shilliang Umshong SC la thep da u Besterly Ksih haka minit ba 6 & 58. Ïa ka shikol na ka Thangskai Tiger la thep da u Phermedaki Syrti haka minit ba 90+4 lynga ka Penalty.
