Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 8 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong hapdeng ka Larnai SC bad ka Khliehtyrshi SC kila poi sha ka jingïakhaid da mar 3-3 kol, ïa ki kol naka Larnai SC la thep da u Evershine Nongrum haka minit ba 11 & 17 bad u Enforce Kharsohnoh haka minit ba 32. Ïa ki kol na ka Khliehtyrshi SC la thep da u Khrawkupar Kharsyntiew haka minit ba 21 & 45 bad u Wanlangki Dkhar haka minit ba 70.
Haka jingïakhun kaba ar ka The A Team kala pynliem da 4-0 kol ïaka Modymmai SC, ïa kitei ki kol naka The A Team la thep da u Bornlywell Lamare haka minit ba 13, u Supernal Malang haka minit ba 37 bad u Rudolf Lamare haka minit ba 69 & 71.
La pyntip ka jingïakhun haka 1st Division lashai ka sngi 9 tarik haka haka por 12 baje shiteng nohphai sngi ka Jalapang SC pyrshah ïaka Wahchangiar FC. Katba haka por 2 baje shiteng nohphai sngi ka Evergreen SC pyrshah ïaka Nongkhroh Mawsiang
