Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 18 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong ka Namdong-B kala jop da 2-0 kol ïaka Malngiang SC, ïa ki kol na ka Namdong-B la thep da u Felix Lamare haka minti ba 13 bad u Lamchwa Pale haka minit ba 47.
Haka jingïakhun kaba ar ka Ummulong SC kala jop da 6-0 kol ïaka Friends United, ïa kitei ki kol naka Ummulong SC la thep da u Rikima Shylla haka minit ba 15, u Lamphrang Dkhar haka minit ba 41 & 77, u Pyntgen Nongrum haka minit ba 71, u Riphio Pale haka minit ba 76 bad u Daman Shullai haka minit ba 79.
La pyntip kane ka lympung kala jam sha ka jingïakhun 1st Quarter Final ka ban long haka 22 tarik u Risaw haka haka por 2 baje nohphai sngi hapdeng ka Nongkhroh Mawsiang pyrshah ïaka Namdong-B.
