Ka jingïalehkai phutbol ne ka ‘Independence Day Cup Under-17 Football Tournament 2025’ bala pynïaid da ka West Jaiñtia District Sports Association (WJDSA), kaba la long mynta ka sngi saitjaiñ 9 tarik u Nailar hamadan Kiang Nangbah Stadium Dongmihsngi Jowai.
Haka jingïakhun kaba nyngkong ka Loomïongkjam SC kala jop da 1-0 kol ïa ka Sohmynting, ïa katei ka shikol la thep da u Daskem Chyrmang haka minit ba 57.
Haka jingïakhun kaba ar ka Panaliar kala jop da 4-3 kol ïa ka Chilliangraij lyngba ka jingïashut Tie Breaker.
Ha ka jingïakhun kaba lai ka Lumpyrtuh SC kala jop da 4-0 kol ïa ka Mookyrdup SC, ïa kitei ki kol na ka Lumpyrtuh SC la thep da u Serene Dkhar lai kol ha ka minit ba 9, 44 & 56 bad u Wansukmi Phawa ha ka minit ba 38.
Katba ha ka jingïakhun kaba saw ka Khimusniang kala jop da 4-3 kol ïaka Mookymphad ha ka jingïashut Tie Breaker.
Lapyntip kane ka lympung kala jam noh sha ka jingïakhun Quarter Final ka ban long haka snginyngkong 11 tarik bad 12 tarik jong u Nailar mynta u snem 2025.
