Ka lympung ïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 10 tarik u Naiwieng, 2025 ha madan Artificial Turf, Diengshynrum, Khliehriat.
Ha ka jingïakhun ba nyngkong ka Chiehruphi SYWSC kala jop da 2-1 kol ïaka Ladrymbai-B SC, ïa ki kol na ka Chiehruphi SYWSC la thep da u Rigency Lapasam haka minit ba 64 bad u Shanmi Bareh haka minit ba 79, ïa ka shikol na ka Ladrymbai-B SC la thep da u Kyrshanlang Pasi haka minit ba 62.
Katba ha ka jingïakhun kaba ar ka Sutnga SSCC kala jop da 5-1 kol ïaka Thangskai Tiger SC, ïa kitei ki kol na ka Sutnga SSCC la thep da u Sauni Phawa lai kol (hattrick) haka minit ba 36, 51 & 84 , u Niponghi Sumer haka minit ba 76 bad u Jeffrey Surong haka minit ba 90+4. Ïa ka shikol na ka Thangskai Tiger SC la thep da u Rukipaia Syrti haka minit ba 82.
