Ka jingïalehkai phutbol jong ki kynthei bala pynïaid da ka East Jaiñtia Hills District Football Association kaba la tip kum ka Women’s League 2025 kaba la long mynta ka sngi 12 tarik u Nohprah ha madan Artificial Turf, Diengshynrum, Khliehriat East Jaiñtia Hills District.
Haba phai sha ka jingïakhun ba nyngkong hapdeng ka Sutnga XI SC pyrshah ïaka Jalyiah United SC kila poi sha ka jingïakhaid khlem don kiba ïoh ban thep kol (0-0).
Katba haka jingïakhun kaba ar ka Dkhiah West SC kala jop da 19-0 kol ïaka Narpuh WWSC, ïa ki kol na ka Dkhiah West SC la thep 6 kol marwei da ka Nisilia Majaw haka minit ba 17, 49, 60, 69, 71 & 76, ka Bahunlang Synrem 4 kol haka minit ba 9, 33 ,57 & 70, ka Rushia Dkhar haka minit ba 13, 51 & 55, ka Bada Aisha Kharummuid haka minit ba 62,68, bad 78, ka Bakordor Lamurong haka minit ba 19, ka Marbarin Nongrum haka minit ba 20 bad ka Thehlut Sana haka minit ba 64.
