Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid da ka Thadlaskeiñ Sports Association (TSA) West Jaiñtia Hills kala sdang mynta ka sngi 23 tarik u Nailur ha madan Wahiajer Multi-Sports Complex.
Haba phai sha ka jingïakhun ba nyngkong ka Jalapang SC kala jop da 2-1 kol ïaka Evergreen, ïa ki kol na ka Jalapang SC la thep da u Kynmaw Phawa haka minit ba 33 bad u Marlangki Suting haka minit ba 67. Katba ïa ka shikol na ka Evergreen SC la thep da u Rishkhem Shylla ha ka minit ba 43.
Ha shwa ban sdang ka jingïalehkai kala don ka jingïalang ba lyngkot bala pynïaid da u ma Everist Pariat uba dei u Chairman jong ka Tournament, la ïoh ka jingkren na u President ka TSA ma Kmenlang Shylla, kumjuh na u ma H. Shylla bad ïa kane ka lympung 1st Division la wan ban plie pyrda da ka kong Rimiful Shylla kaba dei ka khun nyngkong jong ka (L) Hajan Shylla.
Ha kane ka first division ki don haduh 16 tylli ki kynhun ba wan iashim bynta.
La pyntip ka jingïakhun Semi Final lashai ka sngi 24 tarik haka kyrdan Kesilroy Pala Memorial Super Division haka por 2 shiteng nohphai sngi kan long hapdeng ka Mukhla Raij pyrshah ïaka Lumphyrnai Sohphoh.
