Ka Khimusniang S.C kala jop da 6 wickets ïaka N.E.A.U (ATS), C.C haka jingïakhun ba la long ha ka 4 tarik u Ïaïong haka jingïalehkai ba san jong ka District Cricket League 2025 bala pynïaid da ka West Jaiñtia Hills District Cricket Association (WJHDCA) ha Mini Stadium, Khliehtyrshi.
Ha kane jingïalehkai ka Khimusniang S.C kala jop ïa ka jingkynting pisa bad kala jied ban bol nyngkong, na ka liang ka N.E.A.U, C.C kala lah ban kamai 79 runs bad hap 10 wicket hapoh 22.5 overs na ki 35 overs ba la buh.
Haba wan ban beh ïa ka thong ka Khimusniang S.C kala lah ban kamai 80 runs da kaba duh 4 wickets tang hapoh 15.3 over bad long syndon ka nong jop. U Yoohimiootre Patweth na ka Khimusniang S.C ula long u namtam bad khur ïa ka khusnam man of the Match hadien ba la ïoh ban khur 2 wickets, 3 tylli ki maiden over bad ai tang 3 runs na ki 5.5 overs.
Ka jingïalehkai lashai ka sngi 05/04/2025 kan long hapdeng ka Mowkaiaw C.Y.C pyrshah ïa ka Young Lad’s C.C. ha ka por 9 baje nohphai sngi.
