Ka Lions Sports & Youth Affairs kala jop da 3 wickets ïa ka Mupliang S.C haka jingïalehkai District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi 10 tarik u Ïaïong ha Mini Stadium, Khliehtyrshi.
Ha kane jingïalehkai ka Mupliang S.C kala jop ïa ka jingkynting pisa bad kala jied ban tied nyngkong da kaba kamai tang 88 run bad hap baroh 10 wickets haka 24 overs na ki 35 overs ba la buh.
Ha ba poi ka pali jong ka Lions S&YA ban beh ïaka thong ka la lah ban tam da 90 runs da kaba duh 7 wickets tang haka 15.3 overs.
U Deibormi Ranagd naka Lions S&YA ula kylla long u namtam bad khur ïaka khusnam man of the Match hadien ba la ïoh khur 2 wickets.
Ka jingïalehkai ha ka 11/04/2025 kan long hapdeng ka Mowkaiaw C.Y.C pyrshah ïa ka Phramer C.C ha ka por 9 baje mynstep.
