Ka lympung ïalehkai phutbol jong ka ‘Joybell Suiam Memorial 2nd Division Football League bala pynïaid da ka Thadlaskeiñ Sports Association (TSA) West Jaiñtia Hills kaba la long mynta ka sngi 19 tarik u Nailur ha madan Wahiajer Multi-Sports Complex.
Haba phai sha ka jingïakhun Pre Quarter Final ba nyngkong haka kyrdan 2nd Division ka Madur SC kala pynliem da 4-3 kol ïaka Lumkynsaw SC lyngba ka jingïashut Tie Breaker, haka jingïakhun hapoh ka por bala buh kine ki ar kynhun kila ïakhaid da mar shikol (1-1), ïa ka kol naka Madur SC la thep da u Fernando Nongrum (Own Goal) haka minit ba 14, ïa ka kol na ka Lumkynsaw SC la thep da u Wellmanson Passah haka minit ba 28.
Ha ka jingïakhun (Pre quarter) kaba ar ka Maia Club Umjlasiaw kala pynliem da 1-0 kol ïa ka Main Road SC, ïa katei ka shikol na ka Maia Club Umjlasiaw la thep da u Leimiki Dkhar haka minit ba 53.
La pyntip ba ka jingïakhun (Pre quarter) kan bteng lashai 20/09/2025 haka kyrdan ‘Joybell Suiam Memorial 2nd Division Football League haka por 11 baje mynstep ka Nongdhar SC pyrshah ïaka United Phyllong Ingkhaw. Ha ka por 1 baje nohphai sngi ka Ryntih Mynsngat pyrshah ïaka Bamkamar Wah.
Katba haka kyrdan jong ka Kesilroy Pala Memorial Super Division ka Nongkhroh Krem Kum pyrshah ïaka Pohskur Phyllong Ingkhaw.
