Ka lympung ïalehkai phutbol jong ka ‘Joybell Suiam Memorial 2nd Division Football League bad ka‘Kesilroy Pala Memorial Super Division bala pynïaid da ka Thadlaskeiñ SportsAssociation (TSA) West Jaiñtia Hills kaba la long mynta ka sngi 21 tarik uNailar, 2025 ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League haka por 10 baje mynstep hapdeng ka Iawpynsin Wahiajer pyrshah ïa ka Iongshiwiat kila poi sha ka jingïakhaid da mar 2-2 kol, ïa ki kol na ka Iawpynsin Wahiajer la thep da u Lumlamg Nongpluh haka minit ba 54 bad u Marbait Nongpluh haka minit ba 69. Katba ïa ki kol na ka Iongshiwiat la thep da u Tur Pale ha ka minit ba 12 bad u Helpmi Dhar haka minit ba 37.
Haka jingïakhun kaba ar haka por 12 baje mynsngi ka Maskut kala jop da 1-0 kol ïa ka Mukhla Wahshnong, ïa katei ka shikol la thep da u Elias Nongspung ha ka minit ba 32.
Haba phai sha ka jingïakhun jong ka Kesilroy Pala Memorial Super Division kila poi sha ka jingïakhaid da mar shikol (1-1) hapdeng ka Pohskur Phyllong ïingkhaw pyrshahïaka Mookyndur, ïa ka kol na ka Pohskur Phyllong ïingkhaw la thep da u Seibor Nongrum haka minit ba 55, katba na ka liang ka Mookyndur la thep da u Samehi Suting ha ka minit ba 61.
Lapyntip ba ka jingïakhun lashai ka sngi 22/08/2025 haka kyrdan ‘JoybellSuiam Memorial 2nd Division Football League haka por 9 baje mynstep ka Tympang SC pyrshah ïaka Pdienlum SC. Katba haka por 11 baje mynstep ka Maya SC pyrshah ïaka Mynkrem United.
Haka kyrdan jong ka Kesilroy Pala Memorial Super Division haka por 1 baje nohphai sngi ka Wahiajer SC pyrshah ïaka Mukhla Raij. Katba ha ka por 3 baje nohphai sngi ka Heibor Iong I FC pyrshah ïaka Nongkhroh Rim.
