Ka jingïalehkai phubol bala pynïaid da ka West Jaiñtia District Sports Association (WJDSA) kaba la long mynta ka sngi 25 tarik u Nailar haki ar tylli ki kyrdan kata ka ka ‘5th Adelbert Memorial Trophy 3rd Division Football 2025 bad ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division hapdeng ka Pamanik bad ka Pynthorlangteiñ kila poi sha ka jingïakhaid khlem da don kiba ïoh ban thep kol (0-0).
Haka jingïakhun kaba ar ka Mookyrdup kala jop da 2-1 kol ïa ka Pasyih Cultural, ïa ki kol na ka Mookyrdup la thep da u Sambum Dkhar (own goal) haka minit ba 20 bad u Shiningstar Rymbai ha ka minit ba 68. Ïa ka shikol na Pasyih Cultural la thep da u Deivi Rymbai ha ka minit ba 49.
Katba haka jingïakhun kaba lai kila poi sha ka jingïakhaid khlem don kiba ïoh ban thep kol (0-0) hapdeng ka Khliehshnong Ialong bad ka Lumsliarsliar Mupliang.
Haba phai sha ka jingïakhun jong ka 2nd Division ka kynhun jong ka Umlangchor Mukhla kala jop da 2-1 kol ïa ka Chilliangraij, ïa ki kol na ka Umlangchor Mukhla la thep da u Ovenson Symblai haka minit ba 3 bad u Niawkor Sari haka minit ba 36. Ïa ka shikol na ka Chilliangraij la thep da u Sajemiki Shylla haka minit ba 34.
Ka jingïakhun kan bteng biang lashai 26 tarik u Nailar 2025 ha ka 3rd Division kan don lai tylli ki jingïakhun katba ha ka 2nd Division kawei ka jingïakhun.
