Ka lympung ïalehkai phutbol jong ka ‘Hajan Shylla Memorial Trophy 1st Division’ bala pynïaid da ka Thadlaskeiñ Sports Association (TSA) West Jaiñtia Hills kala long mynta ka sngi 2 tarik u Risaw ha madan Wahiajer Multi-Sports Complex.
Haba phai sha ka jingïakhun ka Nongkhroh Mawsiang kala pynliem da 4-1 kol ïaka Wahshangiar, ïaki kol na Nongkhroh Mawsiang la thep da u Rio Myrboh haka minit ba 12, u Ronaldo Marbaniang haka minit ba 17, u Wanker Rani haka minit ba 57 bad u Pyndap Myrboh haka minit ba 67. Ïa ka shikol naka Wahshangiar la thep da u Sobiangki Phawa haka minit ba 67 lynga ka Penalty.
La pyntip ka jingïakhun haka 1st Division lashai ka sngi 3 tarik haka por 12 baje shiteng nohphai sngi ka Friends United pyrshah ïaka Namdong-B. Katba haka por 2 baje shiteng nohphai sngi ka Ummulong SC pyrshah ïaka Malngiang SC.
