Ka Phramer SC mynta ka sngi 2 tarik u Ïaïong kala jop da 118 run ïa ka Evergreen Mukhla Mission S.C ha ka lympung District Cricket League bala pynïaid da ka West Jaiñtia Hills District Cricket Association (WJHDCA) ha Mini Stadium, Khliehtyrshi.
Ka Evergreen Mukhla Mission SC kala jop ïa ka toss bad kala jied ban Bowl shwa. Na ka liang ka Phramer SC ha ba wan ban tied nyngkong kala lah ban kamai 223 run bad hap 9 wicket na baroh ki 35 over ba la buh.
Haba wan ban beh ïa ka thong ka Evergreen Mukhla Mission S.C kala lah ban kamai tang 105 bad hap lut baroh 10 wickets tang hapoh ka 23.5 overs.
U Hamjngai Lyngdoh na ka Phramer SC ula ïoh ban khur ïa ka khusnam man of the Match da kaba ïoh haduh 3 wickets na ki 5 overs.
Ka jingïalehkai laishai ka sngi 03/04/025 kan long hapdeng ka Lion Sports & Youth Affairs pyrshah ïa ka West Jaiñtia Police C.C, naduh ka por 9 bake mynstep.