Ka Riwar Titan CC kala jop da 2 Wickets pyrshah ïa ka Tympang CC, ha ka jingïalehkai jong ka District Cricket League 2026 mynta ka sngi Balang ba pynïaid da ka West Jaiñtia Hills District Cricket Association ha madan Khliehtyrshi.
Haba phai sha ka jingïakhun, ka Riwar Titan CC ka la jop ïa ka toss bad ka la jied ban kawang bol shwa. Ka Tympang CC kala tied nyngkong bad kamai 134 ron bad shah pynhap 10 wickets ha ki 27.4 overs. U Manhame Lyngdoh ula tied 17 ron khlem shah pynhap, katba u Paul Andy Passah bad u Wallambok Nongkhlaw ki la noh synñiang mar 14 ron.
Na ka liang ki nongkawang bol jong ka Riwar Titan CC, u Kermi U Tariang, u Daman I Mahrhen Pohktai ,u Seintremi Rongngi bad u Habanjop Khonglah kila shim mar 2 wickets.
Haba wan ban beh ïa ka thong ka Riwar Titan CC kala poi sha ka thong da kaba kamai 135 ron bad shah pynhap 8 wickets haki 29.1 overs. U Lestarket Kassar ula tied 28 ron, katba u Baiaithrang Khonglah u la tied 22 ron khlem shah pynhap.
Ki nongkawang bol ka Tympang CC, u Wallambok Nongkhlaw u la lehkai bha da kaba shim 3 wickets bad ai tang 15 ron ha ki 7 overs. U Damonmitre Phawa ruh u la shim 3 wickets na ki 7 over.
Ïa ka nam Man of the Match la ïoh rah da u Lestarket Kassar u nongïalehkai jong ka Riwar Titan CC.
La pyntip ka jingïalehkai lashai ka sngi, 05-03-2026 kan long hapdeng ka Mowkaiaw CYC pyrshah ïaka Wahiajer SC ha ka por 9 baje mynstep.
