Ka SCA ‘B’ kala jop da 43 runs ïa ka SCA ‘A’ ha ka jingïalehkai jong ka Under-16 Boys Inter District Cricket Tournament 2025 (Zone-1) kabala long mynta ka sngi 23 tarik Ïaïong.
Ïa kane ka lympung la pynlong da ka Meghalaya Cricket Association (MCA) ïa kaba la pynïaid daka West Jaiñtia Hills District Cricket Association (WJDCA) ha Madan Thad, Mukhla Mission,West Jaiñtia Hills District.
Haba phai sha ka jingïakhun hapdeng ka SCA ‘A’ pyrshah ïa ka SCA ‘B’. Ïa ka jingkynting toss la jop da ka SCA ‘A’ kaba la kamtrai ban kawang bol shuwa. Ka SCA ‘B’ haba leit tied nyngkong kala kamai 196 runs bad liem lut baroh 10 wickets ha ka 40.3 overs. U Mannan Surana ula lehkai bha lyngba ka batda ka ba tied marwei 100 runs na ki 96 balls bad u la ïoh kawei ka Six (6) bad18 tylli ki Fours (4s). U Anish Kedia pat u la tied 31 runs na ki 49 ballsryngkat bad 5 tylli ki Fours (4s). U Krishiv Choudhary, nongkawang ball jong kaSCA ‘A’ ula khyrwit marwei 3 wickets na ki 11 overs.
Namar ba don ka jingpynthut na u slap, la hap ban pynduna ïa ki overs ban beh ïa ka thong na ka 50 overs sha ka 42 overs bad ka thong ba thymmai ka long 187 runs da ka ba pyndonkam da ka DLS Method. Ka SCA‘A’ haba beh ïa kane ka thong ka lah ban tied tang 143 run bad duh noh baroh 10 wickets ha ka 35 over. U Gautam Paul marwei u la tied 60 runs na ki 105 ballsryngkat bad hynñiew tylli ki Fours (4s). U Samelawan Nongkseh pat u la tied 27runs na ki 28 balls ryngkat bad saw tylli ki Four (4s). U Navneet Shah jong ka SCA ‘B’ u la lehkai bha ha ka bowling da kaba ïoh ban pynhap 5 wicketsna ki 4 overs.
Ïa ka nam Man of the Match la ïoh da u Mannan Surana u ba kamai bun run eh na ka SCA ‘B’.
Ka jingïalehkai lashai ka sngi (Thursday) 24-04-2025 kan long hapdeng ka WJHDCA pyrshah ïa ka EKHCA naduh ka por 8 baje shiteng mynstep.
