Ka Shkenpyrsit SC bad ka Ryntihlang FC kila khur jingjop haka jingialehkai “12th Secondary School Football Knock-out Tournament, kaba la pyniaid daka Dorbar Shnong Pdengshakap.
Kane kala wan hadien ba ka Shkenpyrsit Sc kala jop iaka T.C Pdengshakap da 1-0 kol, iaka shikol jong ka Shkenpyrsit Sc la ioh ban thep da u Poibiang Pohshna haka minit kaba 28.
Haka jingialehkai kaba ar pat ka Ryntihlang Fc kala jop iaka Ummudong Sc da 4-3 kol, lyngba ka jingia shut Tie-breaker hadien bala kut ka jingialehkai da 1-1 kol. Iaka shikol jong ka Ummudong Sc la ioh ban thep da u Everbright Sana haka minit kaba 21 bad iaka Ryntihlang Fc pat la thep da u Kyntu Nongwa haka minit kaba 22.
Yn bteng iaka jingialehkai haka 10 tarik mynta u bnai ha kaba ka Amlarem SC kan ialeh pyrshah iaka KSU Thad Muthlong Fc haka por 12 baje shiteng sngi katba ka Golden Lion Fc (Rymbai) pyrshah iaka YFC Trangblang haka por 2 baje nohphai sngi.
