Ka lympung ïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid daka East Jaiñtia Hills District Football Association (EJHDFA) kaba la long mynta ka sngi saitjaiñ 25 tarik u Risaw, 2025 ha madan Artificial Turf, Diengshynrum, Khliehriat.
Ha ka jingïakhun ba nyngkong ka Sutnga SSCC kala jop da 4-0 kol ïaka Shilliang Umshong SC, ïa kitei ki kol na ka Sutnga SSCC la thep da u Ker Syrti haka minit ba 6, u Rihokme Tyngkan haka minit ba 10, u Sauni Phawa haka minit ba 58 bad u Jeffrey Surong haka minit ba 90+1.
Katba ha ka jingïakhun kaba ar ka Diengshynrum SC kala jop da 3-1 kol ïaka Ladrymbai-B SC, ïa ki kol na ka Diengshynrum SC la thep da u Leki Dkhar haka minit ba 4 bad u Rumi Lyngdoh haka minit ba 18 & 36. Katba ïaka shikol na ka Ladrymbai-B SC la thep da u Mihsalan Suiam haka minit ba 87.
Ka jingïakhun haka 28 tarik kan long hapdeng ka Thangskai Tiger SC pyrshah ïaka Chiehruphi SYWS, katba ka Dhana SC pyrshah ïaka Diengshynrum SC.
