[Ki nongialehkai ka AMJ THE BOYS]
Ka Syndai Combine FC bad ka AMJ The Boy’s kila khur jingjop haka jingialehkai “12th Secondary School Football Knock-out Tournament 2025-26, kaba la pyniaid da ka Dorbar Shnong Pdengshakap.
Kane kala wan hadien ba ka Syndai Combine FC kala jop ia ka Nongtalang Xl da 5-4 kol lyngba ka jing ia shut Tie-breaker hadien bala kut ka jingialehkai da ka jingiakhaid ba 0-0 kol.
Haka jingialehkai kaba ar pat ka AMJ The Boy’s kala lah ban pynliem noh ia ka Nongdawah SC (Mawryngkneng) da 3-0 kol. Ia ki kol jong ka AMJ The Boy’s la ioh ban thep da u Figo Syndai haka minit kaba 25, u Gladdy Kharbuli haka minit kaba 53 bad u Owen Pajuh haka minit kaba 70.
Yn bteng biang iaka jingialehkai haka 30 tarik mynta u bnai ha kaba ka Iapmala United kan ialeh pyrshah ia ka Youngstar SC haka por 12 baje shiteng sngi, katba ka Halari FC pyrshah ia ka Amlanai Young Boy’s haka por 2 baje nohphai sngi.
