Ka lympung ïalehkai phutbol jong ka ‘Joybell Suiam Memorial 2nd Division Football League bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA) West Jaiñtia Hills kaba la long ha kane ka sngi saitjaiñ ha madan Wahiajer Multi-Sports Complex.
Haka jingïakhun ba nyngkong jong ka Joybell Suiam Memorial 2nd Division Football League ka Thadmusem kala jop da 2-1 kol ïa ka Nongkhroh Sohbar, ïa ki kol na ka Thadmusem la thep da u Kermi Dkhar haka minit ba 6 bad u Ebormi Mukhim haka minit ba 47. Ïa ka shikol na ka Nongkhroh Sohbar la thep da u Plielad Myrboh haka minit ba 37.
Ha ka jingïakhun kaba ar ka Tyllilang i Moobakhon kala jop da 6-2 kol ïa ka Myntoilang i Bamkamar, ïa ki kol na ka Tyllilang I Moobakhon la thep da u Dashaniah Rymbai haka minit ba 2 & 67, u Sambormi Ramut haka minit ba 21, u Chibor Rynjah haka minit ba 26, u Mewan Myria haka minit ba 63 bad u Rikilur Dkhar haka minit ba 70. Ïa ki ar kol na ka Myntoilang i Bamkamar la thep da u Samuel Challam haka minit ba 55 bad u Bankerlang Suting haka minit ba 65.
Haba phai sha ka jingïakhun ba nyngkong jong ka Kesilroy Pala Memorial Super Division ka Mookyndur kala jop da 2-1 kol ïa ka Niriang, ïa ki kol na ka Mookyndur la thep da u Monday Nelson Lamare haka minit ba 15 & 25. Katba ka shilkol na ka Niriang da u Chirup Kharmuti haka minit ba 30 min.
La pyntip ba ka jingïakhun lashai ka sngi 25/08/2025 haka kyrdan ‘Joybell Suiam Memorial 2nd Division Football League ha ka por 10 baje ka Bamkamar Wah pyrshah ïa ka Thadmynri, ha ka por 12 baje mynsngi ka Hunlang Moobakhon pyrshah ïa ka Lumkynsaw.
Katba haka kyrdan jong ka Kesilroy Pala Memorial Super Division haka por 3 baje nohphai sngi ka Lumphyrnai Sohphoh pyrshah ïa ka Pohskur Phyllong iingkhaw.
