Ka lympung ïalehkai phutbol jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy ïa kaba la pynïaid da ka East Jaiñtia Hills District Football Association (EJHDFA) kaba la long mynta ka sngi 24 tarik u Risaw, 2025 ha madan Artificial Turf, Diengshynrum, Khliehriat.
Ha ka jingïakhun ba nyngkong ka Thangskai Tiger SC kala pynliem da 4-2 kol ïaka Dhana CSC, ïaki kol naka Thangskai Tiger SC la thep da u Pynthymme Rymbai haka minit ba 5 bad ka Penalty haka minit ba 27, u Suting Syrti haka minit ba 45+4 bad u Solomon Sympli haka minti ba 62. Ïa ki kol na ka Dhana CSC la thep da u Apphira Sumer haka minit ba 54 (penalty) bad u Micheal Siangshai haka minit ba 90.
Katba ha ka jingïakhun kaba ar ka R.Shkenshynriah SC kala pynliem da 3-0 kol ïaka Chiehruphi SYWSC, ïa kitei ki kol naka R.Skhenshynriah SC la thep da u Rakesh Pradhan haka minit ba 5, u Ribiang Dkhar haka minit ba 90 bad u Goldenson Japui haka minit ba 90+2.
Ka jingïakhun lashai ka sngi 25 tarik kan long hapdeng ka Sutnga SSCC pyrshah ïaka Shilliang Umshong SC, katba ka Lad-Rymbai B SC pyrshah ïaka Diengshynrum SC.
