Ka jingialehkai 1st Wailadmiki Shylla Young Festival Football Tournament-2026, kaba pynlong ha Madan Thad Mukhla, West Jaintia Hills District kala nangïaid shakhmat bad kala jam sha ka sngi kaba ar jong ka jingïakhun. Ha ka 8/1/2026 la don lai tylli ki kynhun kiba la ïakhun.
Ha ka jingïalehkai kaba nyngkong (1st Game) hapdeng ka Tpep Pale bad ka Umshangiar, ha kaba ka Tpep Pale kala jop da 2-0 kol. Ia kine ki kol la ïoh ban thep da u Lami Passah ha ka minit kaba 17 bad u Wansa O Biam ha ka minit kaba 27.
Ha ka jingïalehkai kaba ar (2nd Game) hapdeng ka Sabahmuswang bad ka Chutwakhu, ha kaba ka Sabahmuswang kala jop da 2-1 kol. Ia ki kol na ka Sabahmuswang la thep da u Pynshngainmi I Shylla ha ka minit kaba 11, u Heimonmi Lyngdoh ha ka minin kaba 50. Kala don ka jingthep bakla shala ka jong ka kol (Own Goal) da u Hep Dkhar ha ka minit kaba 60.
Ha ka jingïalehkai kaba lai (3rd Game) ka long hapdeng ka Dulong bad ka Mukhla, ha kaba kaDulong ka la jop da 4-0 kol. Ia ki kol la ïoh ban thep da u Samshaphrang Lato ha ka minit kaba 3 bad 65, u Sahame u la thep kol ha ka minit kaba 23 bad 61.
Ka jingïakhun na ka bynta ka 9/1/202 kin long ha ka 1st game ka Lumkhudung Vs Chiliang Raij ha ka por 10:00 AM, ha ka 2nd game ka Iawmusiang Vs Niriang ha ka por 12:00 Noon bad ha ka 3rd game ka Khimusniang Vs Dongmihsngi ha ka por 2:00 PM.
