Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 16 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong ka Tyrshang kala pynliem da 3-1 kol ïaka Maia SC, ïa ki kol naka Tyrshang SC la thep da u Pyrkhat Tyngkra haka minit ba 19, u Johnforce Kharpomtiah haka minit ba 51 bad u Jerimaia Shadap haka minit ba 55. Ïa ka shikol na ka Maia SC la thep da u Da o hi Pale haka minit ba 30.
Haka jingïakhun kaba ar ka Dongmihsngi SC kala pynliem da 3-2 kol ïaka Lumsharatoh SC, ïa ki kol naka Dongmihsngi SC la thep da u Sylvester Rymbai haka minit ba 10 & 73 bad u Teimi Nongrum haka minit ba 64. Katba ïa ki kol na ka Lumsharatoh SC la thep da u Mathew Shangpung haka minit ba 14 bad u Eddie Savio Pyngrope haka minit ba 23.
La pyntip ka jingïakhun haka 1st Division lashai ka sngi 17 tarik haka haka por 12 baje shiteng jong ka nohphai sngi ka Lurshai Larnai SC pyrshah ïaka Moodymmai SC. Katba haka por 2 baje shiteng nohphai sngi ka Khliehtyrshi SC pyrshah ïaka The A Team.
