Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 11 tarik u Risaw ha madan Wahiajer Multi-Sports Complex.
Haba phai sha ka jingïakhun ba nyngkong ka Tyrshang SC kala jop da 2-0 kol ïaka Lumsharatoh SC ïaki kol na ka Tyrshang SC la thep da u Heipor Shylla haka minit ba 29 bad u Barnabas Pyngrope haka minit ba 71.
Haka jingïakhun kaba ar ka Dongmihsngi SC kala jop da 3-1 kol ïaka Maia SC, ïa ki kol naka Dongmihsngi SC la thep da u Teimiki Nongrum haka minit ba 20, u Stevenson Phawa haka minit ba 30 bad u Baiamon Suting haka minit ba 79. Ïa ka shikol na ka Maia SC la thep da u Dahi Lamare haka minit ba 6.
La pyntip ka jingïakhun haka 1st Division lashai ka sngi nyngkong 13 tarik haka haka por 12 baje shiteng nohphai sngi ka Khliehtyrshi pyrshah ïaka Modymmai. Katba haka por 2 baje shiteng nohphai sngi ka The A Team pyrshah ïa ka Larnai SC.
