Ka lympung ïalehkai phutbol jong ka ‘Joybell Suiam Memorial (2nd Division Football League) bad ka ‘Kesilroy Pala Memorial Super Division bala pynïaid da ka Thadlaskeiñ Sports Association (TSA), West Jaiñtia Hills, kaba la long mynta ka sngi 3 tarik u Nailur ha madan Wahiajer Multi-Sports Complex.
Haka jingïakhun ba nyngkong jong ka 2nd Division ka United FC Ummulong, kala pynliem da 1-0 kol ïa ka Mupliang RC. Ïa katei ka shikol na ka United FC Ummulong la thep da u Iajanki Kynjing haka minit ba 5.
Haka jingïakhun kaba ar hapdeng ka Madur SC bad ka Ryntih Mynsngat kila poi sha ka jingïakhaid khlem don kiba ïoh ban thep kol (0-0).
Haba phai pat sha ka jingïakhun jong ka Kesilroy Pala Memorial Super Division ka Wahiajer SC kala jop da 2-0 kol ïa ka Pohskur Phyllong Iingkhaw, ïa kitei ki kol na ka Wahiajer SC la thep da u Hame Dkhar haka minit ba 11 bad u George Ryngkhlem haka minit ba 50.
La pyntip ba ka jingïakhun kan bteng haka 04/09/2025 haka kyrdan 2nd Division Football League haka por 10 baje, ka Thadmusem pyrshah ïaka Lad Mukhla. Ha ka por 12 baje mynsngi ka Laru FC pyrshah ïaka Modop Nartiang.
Katba ha ka kyrdan jong ka Super Division haka por 3 baje nohphai sngi ka Heibor iong-i FC kan iakhun pyrshah ïa ka Mookyndur.
