Ka West Jaiñtia Police CC kala jop da 112 runs ha ka jingïalehkai District Cricket League 2025 bala pynïaid daka West Jaiñtia Hills District Cricket Association (WJHDCA) mynta ka sngi 9 tarik u Ïaïong ha Mini Stadium, Khliehtyrshi.
Ha kane jingïalehkai kaba la long hapdeng ka West Jaiñtia Police CC pyrshah ïa ka Khimusniang S.C, ha kaba ïa ka jingkynting pisa la jop da ka West Jaiñtia Police CC kaba la kam ban tied shwa da kaba kamai 226 runs bad hap 8 wickets na ki 35 over ba la buh.
Ha ba poi ka pali jong ka Khimusniang S.C ban beh ïaka thong kala don ka jingpynthut jong u slap bad la pyntreikam da ka DLS method ïa kaba la pynkylla ïaka thong sha ka 208 run na ki 28 over, hynrei ka Khimusniang SC ka la lah ban ïoh tang 95 run da kaba duh baroh 10 wickets tang ha ka 26.1 overs
U Deventional Lyngdoh na ka West Jaiñtia Police CC ula long u nam tam bad khur ïa ka khusnam man of the Match hadien ba ula ïoh kamai 36 run bad khur 2 wickets.
Ka jingïalehkai lashai ka sngi ka 10/04/2025 kan long hapdeng ka Mupliang SC pyrshah ïa ka Lion S&YA ha ka por 9 baje mynstep.
