Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2025’ bala pynïaid da ka ophis u District Sports Officer West Jaiñtia Hills District, kaba la long mynta ka sngi 10 tarik u Jylliew ha madan Kiang Nangbah Stadium, Dongmihsngi, Jowai.
Haba phai sha ka jingïakhun Under-15 (Boys) ka H. K. Singh Memorial Secondary School kala jop da 3-0 kol ïa ka Syiem Jingsuk Secondary School. Ka Govt. Boys H/S School kala jop da 5-0 kol ïaka Don Bosco Secondary School. Ka Laishnong H/S School kala jop da ka jingïashut Tie Breaker da 4-3 kol ïa ka North Liberty H/S School.
Katba ha ka jingïakhun jong ka kyrdan Under-17 (boys) ka Sawlyngdoh H/S School kala jop da 3-2 kol ïa ka Amwi H/S School Thangbuli. Ka Marian Hill H/S School kala jop da ka jingïashut Tie Breaker da 4-3 kol ïa ka Govt. Boys H/S School.
Ka jingïakhun kan bteng biang lashai ka sngi 11 tarik ha madan Kiang Nangbah Stadium, Dongmihsngi, Jowai haka kyrdan Under-17 (Boys) bad Under-17 (Girls).