Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2025’ bala pynïaid da ka ophis u District Sports Officer West Jaiñtia Hills District, Jowai kaba la long mynta ka sngi 5 tarik u Jylliew haki ar tylli ki madan kata ha Kiang Nangbah Stadium, Dongmihsngi, Jowai bad ha Wahiajer Multi Sports Complex.
Haba phai sha ki jingïakhuh ha ka Under-17 (boys) ka Kiang Nangbah H/S School Jowai kala jop da 4-0 kol ïa ka Khasi Pnar Secondary School Bakur, Dawki. Ka Mihmyntdu R.C Eve Secondary School Mihmyntdu kala jop da 1-0 kol ïa ka Govt. UP RMSA School Jowai. Ka St. Dominic H/S School Mawkyndeng kala jop da ka jingïashut Tie Breaker da 4-3 kol ïa ka Achiever’s Secondary School Ummulong. Katba ka North Liberty H/S School Jowai kala jop da 4-0 kol ïa ka Syiem Jingsuk H/S School Amlarem.
Ha ka Under-15 (boys) Ka H.K Singh Memorial Secondary School Jowai kala jop da 1-0 kol ïa ka Padu Higher Secondary School Padu. Ka Syiem Jingsuk H/S School Amlarem kala jop da ka jingïashut Tie Breaker da 5-4 kol ïa ka Amlarem UP School Amlarem. Ka Marian Hill Higher Secondary School Jowai kala jop da 1-0 kol ïa ka Little Flower H/S School Ummulong. Ka St. Dominic H/S School Mawkyndeng kala jop da 2-0 kol ïa ka Jaiñtia H/S School Jowai. Ka North Liberty H/S School Jowai kala jop da ka jingïashut Tie Breaker da 3-2 kol ïa ka Ialong Secondary School Ialong. Katbaka Laishnong H/S School Nongbareh kala jop da 2-0 kol ïa ka Mihmyntdu RC Eve Secondary School Mihmyntdu.
Ka jingïakhun kan bteng biang lashai ka sngi 6 tarik ha kitei hi ki ar tylli ki madan ha ka kyrdan Under-15 (boys) bad ka Under-17 (Girls).
