Ka jingïakhun mynta ka sngi 6 tarik u Jylliew haka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2025’ bala pynïaid da ka ophis u District Sports Officer West Jaiñtia Hills District, Jowai haki ar tylli ki madan kata ha Kiang Nangbah Stadium, Dongmihsngi, Jowai bad ha Wahiajer Multi Sports Complex.
Haba phai sha ka jingïakhun Under-15 (Boys) ka Don Bosco Secondary School kala jop da ka jingïashut Tie Breaker da 3-2 kol ïa ka Lumpyrtuh Secondary School. Ka Govt. Boys H/S School Jowai kala jop da 11-0 kol ïa ka Thangbuli U.P School.
Ha ka Under-17 (Girls) ka Kiang Nangbah H/S School Jowai kala jop da 15-0 kol ïa ka On and On Secondary School. Ka Krist Syiem Secondary School Namdong kala jop daka jingïashut Tie Breaker da 3-0 kol ïa ka Mukhla Raij H/S School Mukhla. Ka Police Public Secondary School Jowai kala jop da ka jingïashut Tie Breaker da 3-1 kol ïa ka Achievers Secondary School Ummulong. Ka Ummulong Presbyterian H/S School kala jop da 2-0 kol ïa ka Mihmyntdu RC Eve Secondary School Jowai. Ka H.K Singh Memorial Secondary School kala jop da 1-0 kol ïa ka Little Flower H/S School Ummulong. Ka St. Dominic H/S School Mawkyndeng kala jop da 2-1 kol ïa ka Govt. Girls H/S School. Katba ka Jaiñtia H/S School Jowai kala jop da ka jingïashut Tie Breaker da 1-0 ïa ka Govt. UP RMSA School Jowai.
Ka jingïakhun kan bteng biang haka 9 tarik (monday) ha madan Kiang Nangbah Stadium, Dongmihsngi, Jowai saw tylli haka kyrdan Under-17 (Girls) bad kawei ka jingïakhun haka Under-15 (boys).
