-Pynliem ka North East United FC ia ka Bodoland FC da jop 4-0 kol-
Ka North East United FC ka la ioh ban rung sha ka Semi Final hadien ba ka la lah ban pynliem noh ia ka Bodoland FC da 3-0 ha madan SAI Stadium Kokhrajhar Assam.
Ka jingiakhun hapdeng ka North East United bad ka Bodoland FC ka long kaba itynnad bad shongshit bha ha kaba ka North East United FC ka la ioh ban thep 1 kol ha ka minute kaba 29 lyngba u Alaeddine Ajaraie Hadien kane ka Bodoland FC ka la iakhun tyngeh ban ioh pynphai, hynrei kam shym ioh lad ban pynphai bad pynlong ia ka North East United ban tam 1-0 ha ka jingialehkai First Half.
Haba phai sha ka jingialehkai Second Half ka North East United ka la ioh ban thep biang 1 kol ha ka minute kaba 53 lyngba u Andy Rodriguez bad ha ka minute kaba 61 ka North East United Fc ka la ioh ban thep biang sa 1 kol lyngba ka jingbuh bol u Thoi Sing bad u Alaeddine Ajaraie u la ioh ban thep kol.
Ka Bodoland Fc ka la iakhun tyngeh ban ioh pynphai hynrei kam shym ioh lad bad dei ha ka minute kaba khatduh shwa ban kut ka jingialehkai u Parthib Gogoi u la ioh ban thep 1 kol ha ka minute kaba 91 bad pynlong syndon ia ka North East United ban poi syndon sha ka Semi Final da kaba ioh 4-0 kol.
Ka North East United kan iakhun pyrshah ia ka Shillong Lajong FC ha ka jingialehkai Semi Final ka ban sa long ha ka 19 tarik Nailar 2025 ha madan JN Complex Polo.
