Ka All Meghalaya Kick Boxing Association mynta ka sngi ka 30 tarik Jylliew ka ka wan pyntip paidbah lyngba ki lad pathai khubor ba kan pynlong ia ka 1st State Level Kick Boxing Championship ka ban long ha ka 12 bad 13 tarik jong u bnai September 2025 ha ka phyllaw jong ka Bharat Scouts & Guide Shillong.
Haba kren sha ki lad pathai khubor u President ka All Meghalaya Kick Boxing Association u Samuel Hashah u la pyntip ka jingpynlong ia kane ka 1st State level Kick Boxing ka dei ha ka sien ba nyngkong eh bad ban rakhe ia ka jingdap 10 snem jong ka All Meghalaya Kick Boxing Championship.
Shuh shuh u la ong ba ka jingpynlong ia kane ka jingialehkai ka long ruh kum shi bynta ban rakhe ia ka jingdap 10 snem bad kumjuh ban plie lad ia ki khynnah kiba don sap ha kane ka jingialehkai Kick Boxing.
Kumta u khot u wer ia baroh ki club bad ki Association bapher bapher naduh ki skul ki college khamtam ia ki khynnah kynthei bad shynrang ban iashim bynta sha kane ka rynsan iakhun KickBoxing Championship.
U la bynrap kito kiba kwah ban iashim bynta ha kane ka jingialehkai ki la ban phah ia ki kyrteng jong ki lyngba ki Phone number 8731022338.
Haba khatduh u la kyntu ia ki paidbah kiba ieid ia ka sports ba kin sngewbha ban iarap lang ia ka kynhun bad kumjuh u la kyrpad ia ka Sorkar lyngba ka tnad Sports & Youth Affairs ba kan iarap lang ia ka kynhun khnang ba kane ka jingialehkai kan long kaba jop.
