Ka Loompyrdi Iongpiah Sports & Games Committee, Jowai ha kane ka 26 tarik kala pynhap pyrda ïa ka lympung ïalehkai “22nd Open to all Badminton Championship 2025” ha Seiñraij Indoor Sports Hall madan Ryngkaw Tpep-pale, Jowai.
Haka kyrdan Under-16 Boys Double la jop da u Wailadmiki Passah bad u Dathrang Langstang pyrshah ïa u Sauni Shylla bad u Ryumdiam Kyndiah da 18-21,21-12, 21-06 point. Ha ka kyrdan 55 years+ Men Single la jop da u Wanmi Dkhar pyrshah ïa u Ambrose Gatphoh da 21-13, 21-13. Haka Mixed Double la jop da u Hrisami Passah bad ka Josefineo Passah pyrshah ïa u Deilang Wa-oo Nongpluh bad ka Ribhalang Passah da 21-18, 21-19.
Ha ka Under 16 Boys single la jop da u Teidame Sungoh pyrshah ïa u Wailadmiki S. Passah da 15-21, 17-21 point. Ha ka 55 years+ Men Doubles la jop da u Wanmi Dkhar bad u Ambrose Gatphoh pyrshah ïa u Dawanroi Pyrbot bad u Carmelo Laloo da 14-21, 21-15, 15-21.
Katba ha ka jingïakhun jong ka kyrdan 35 years + Men Double la jop da u Rimilan Passah bad u Ram Najiar pyrshah ïa u Arki-oo Passah bad u Yutang Kma da 16-21, 21-14, 21-16.
Ha ka Men’s Doubles Open la jop da u Rimilan Passah bad u Deilang Wa-oo Nongpluh ia u Da-u-ru Laloo bad Ram Najiar da 22-20, 17-21, 21-14.
Ha ka Men Single 35 years la jop da u Ram Najiar ia u Da-u-ru Laloo da 22-20, 19-21, 21-11.
Ha ka Men’s Single open la jop da u Deilangwa oo Nongpluh ia u Hrisimai Passah da 7-21,14-21 point.
Ïa ki khusnam sha ki nongjop la sam da u kongsan jong kane ka sngi u ma Sokima Najiar, ha ka ryngkat bad ki dkhot ka Committee, ha ka jingiadonlang ki nongïalam shnong nalor kiwei de.
