Ka kynhun ïalehkai jong ka Sutnga SSCC kala lam khmat syndon da kaba ïoh khur haduh 12 point na ki san tylli ki jingïakhun jong ka kyrdan Super Division Football Tournament-2025, kaba la tip kum ka 5th Kyrmen Shylla Contribution Trophy, ïa kaba la pynïaid da ka East Jaiñtia Hills District Football Association (EJHDFA).
Wan ba ar ka R. Shkenshynriah SC kaba ïoh 11 points na ki san tylli ki jingïalehkai, ka Diengshynrum SC kaba bat ïa ka kyrdan ba lai 10 points na ki san tylli ki jingïalehkai ba la dep, ka Shilliang Umshong SC ha ka kyrdan ba saw hadien ka jingjop ïa ka Dhana CSC mynta ka sngi na ki san tylli ki jingïalehkai da kaba ïoh 7 points.
Ka Thangskai Tiger SC kaba long ka lahduh ha ka aiom ïalehkai ba lah dep (Season 2024) kala bat ïa ka kyrdan ba san 7 points na ki san tylli ki jingïalehkai ba la dep. Katba ka Ladrymbai-B SC kaba don ha trai duh da kaba kamai tang shi point na ki san tylli ki jingïalehkai ba la dep bad ka don haka line saw ban shah pynhiar kyrdan ha kane ka aiom ïalehkai ba mynta.
Haba phai pat sha ka jingïakhun mynta ka sngi 11 tarak u Naiwieng ka Shilliang Umshong SC kala pynliem da 3-1 kol ïa ka Dhana CSC, ïa ki kol na ka Shilliang Umshong SC, la thep da u Lhunminthang Thouthang haka minit 2, u Besterly Ksih haka minit ba 48 bad u Intelligent Rymbai haka minit 90+1. Ïa ka shikol na ka Dhana CSC la thep da u Dibok Lawai haka minit ba 50.
Katba haka jingïakhun ba ar hapdeng ka R.Shkenshynriah SC pyrshah ïaka Diengshynrum SC kila ïakhaid khlem don kiba ïoh ban thep kol.
