Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament-2025’ bala pynïaid da ka ophis u District Sports Officer West Jaiñtia Hills District, kala jam noh sha ka jingïakhun Final lashai ka sngi 13 tarik u Jylliew ha baroh lai tylli ki kyrdan ka Under-17 (Boys & Girls) bad ka Under-15 (Boys) ha madan Kiang Nangbah Stadium, Dongmihsngi, Jowai.
Haba phai sha ka jingïakhun Semi Final mynta ka sngi Palei haka Under-15 (Boys) ka St. Dominic H/S School kala jop da 1-0 kol ïa ka H.K. Singh Memorial Secondary School. Katba ka Govt. Boys H/S School kala jop da 2-0 kol ïa ka Laishnong H/S School.
Ha ka Under-17 (Boys) ka Marian Hills H/S School kala jop da shikol 1-0 ïa ka Sawlyngdoh H/S School. Katba North Liberty H/S School kala jop da ka jingïashut Tie Breaker da 9-8 kol ïa ka Kiang Nangbah H/S School.
Ïa kane ka lympung ‘District Level Inter School Subroto Mukherjee Cup Football Tournament 2025’ yn pynhap noh pyrda lashai ka sngi ha katei hi ka madan naduh ka por 9 baje mynstep.
Ha ka Under-17 (Girls) yn ïaknieh lah duh hapdeng ka Kiang Nangbah H/S School pyrshah ïa ka North Liberty H/S School. Ha ka Under-17 (Boys) ka St. Dominic H/S School kan ïakhun pyrshah ïa ka Govt. Boys H/S School. Katba ha ka Under-15 (Boys) ka Marian Hills H/S School lan ïakhun pyrshah ïa ka North Liberty H/S School.