Ka “District Level Inter School Athletic Meet, 2025” kaba lai sngi lynter kan sdang naduh lashai ka sngi 23 tarik haduh 25 tarik u bnai Ïaïong, 2025 ha madan Kiang Nangbah Stadium Dongmihsngi Jowai.
Ïa kane ka District Level Inter School Athletic Meet, 2025 la pynïaid da ka ophis u District Sports Officer West Jaiñtia Hills, Jowai ha ryngkat ka jingïatreilang bad ka West Jaiñtia District Sports Association (WJDSA).
Ha ka sngi ban plie ïa kane ka lympung District Level Inter School Athletic Meet, 2025 haka 23 tarik Ïaïong sngi Balang, na ka liang ka Joint Director of School Education & Literacy jong ka Sorkar jylla ka kong A.P. Syiem kan long ka kongsan.