Ka Shillong Lajong FC ka la ioh ia ka kabu ban buh jaka ialade sha ka Semi final jong ka lympung Durand Cup 2025-26 lyngba ka jingjop ia ka kynhun shipai ka “Indian Navy FT” da 2-1 kol ha ka jingiakhun ba la pynlong ha madan Jawaharlal Nehru Stadium Polo Shillong.
Ha katei ka jingiakhun, ka Indian Navy ka la ioh ban pynkhih jar nyngkong ha ka minit ba 38 lyngba u Marandi hynrei lyngba ka jingiakhun kaba tyngeh ryngkat ka jingtuid ki paidbah na ka jylla ban iai bteng na ka bynta ban ai mynsiem ia ka Lajong, kane ka kynhun ka la ioh ban pynphai 2 kol ha ka kylla miet, kata ha ka minit ba 69 lyngba u Damait Lyngdoh bad shi kol na u Everbright Sani ha ka minit ba 79 lyngba ka penalty.
U Sani uba la pynioh ia ka jingjop na ka bynta ka Lajong ha katei ka jingia-aireng, u la ioh ban khur ruh ia ka khusnam “player of the match” kaba nyngkong ha kane ka samoi.
Ka Lajong mynta ka ap ia kawei na ki kynhun kiba ïakhun ia ka Quarter final, kata hapdeng ka Northeast United FC bad Bodoland FC na ka banta ban ïakhun pat ia ka Semi final ha ka 19 tarik mynta u bnai.
