U Deibormame Tongper u la long u rangialehkai ba kongsan hynne ka sngi ha ka jingiakhun pyrshah ia ka Rajasthan (Group A) ha kaba u la ioh ban khyrwit da ka Hat-trik ha ka jingiakhun na ka lympung Swami Vivekananda U-20 Men’s National Football Championship 2025 ha Narainpur, Chhattisgarh.
Ia kitei ki 3 kol u la ioh ban thep ha ka minit ba 50, 54 bad 74. U Riborlang L. Lyngkhoi u la pynioh mynsiem ia ka kynhun bad pynkmen ruh ia u Coach Bobby L. Nongbet ha kaba u la sdang ban pynkhih jar ha ka kylla step jong ka minit ba 39.
Ka Meghalaya kan bteng biang ia ka jingiakhun ha kane ka lympung pyrshah ia ka Kerala ha ka sngi saitjain jong ka taiew, kata ha ka 3 Tarik Jymmang 2025. Napdeng ka Group A, ka Meghalaya ka don jingkyrmen shibun ban jam sha kawei pat ka wat jong kane ka lympung, kata da kaba bishar katkum ka rukom ialehkai jong ki kynhun ba la shah kynthup ha kane ka Group.
