Ka kynhun ïalehkai jong ka Moodymmai S.C. bad ka Young’s Lad C.C kila ïasam mar shi point haka jingïalehkai ba khadar jong ka District Cricket League 2025 bala pynïaid daka West Jaiñtia Hills District Cricket Association (WJHDCA) kaba la long mynta ka sngi Saitjaiñ 12 tarik u Ïaïong ha Mini Stadium, Khliehtyrshi.
Ha ka jingïalehkai hapdeng ka Moodymmai SC pyrshah ïa ka Young’s Lad C.C, ïa ki overs la hap ban pynduna na ka 35 sha ka 28 na ka daw ka jingpynthut jong u slap haka por step.
Ïa ka jingkynting toss la jop da ka Young’s Lad C.C kaba la kam ban ka wang ball shuwa. Ka Moodymmai SC haba wan ban tied nyngkong kala kamai 107 runs bad hap baroh 10 wickets haka 23.4 overs.
Ka Young’s Lad C.C haba wan ban beh ïaka thong u slap uba jur ula hap biang bad neh kumba katto katne por bad ka la pynlong ïa ka madan baroh kawei ban dap da ka um smam. Kumta hadien ka jingpeit bniah da ki Umpire ha ka por 1:45 nohphai sngi la rai ba ïa ka Match la hap ban pynsangeh noh bad ki Captain jong baroh ar ki Team ki la mynjur ryngkat bad ki Umpire ban ïasam mar shi point.
Ka jingïalehkai ha ka sngi Monday 14/04/2025 kan long hapdeng ka North East A.U.(ATS) pyrshah ïaka Evergreen SC & CC haka por 9 baje mynstep.