Ka ophis jong u District Sports Officer (DSO), West Jaiñtia Hills District, Jowai kan sdang noh ïa ka jingïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2025’ naduh ka 2 tarik u Jylliew haduh ka 13 tarik u Jylliew 2025.
Ïa kane ka jingïalehkai yn pynïakhun ha ki ar tylli ki madan kata ha Kiang Nangbah Stadium, Dongmihsngi Ladthadlaboh, Jowai bad ha Wahiajer Multi Sports Complex naduh ka por 9 baje mynstep.
La kyrpad ïa baroh ki Principal/Headmaster/ki Nonghikai jong ki skul kiba yn ïashim bynta ha kane ka lympung kin sngewbha ban leit shim ïa ka fixture na ka ophis u DSO naduh ka por 1:00 baje janmiet shaneng.
La pyntip ha ka sngi sdang jong kane ka lympung ha ka 2 tarik u Jylliew kin don haduh san tylli ki jingïakhun ha ka Under-17 (boys) ha madan Kiang Nangbah Stadium, Dongmihsngi Ladthadlaboh, Jowai bad san tylli ki jingïakhun haka Under-17 (Boys) ha Wahiajer Multi Sports Complex.
