Ka lympung ïalehkai phutbol bala tip kum ka ‘Hajan Shylla Memorial Trophy 1st Division’ bala pynïaid daka Thadlaskeiñ Sports Association (TSA) West Jaiñtia Hills kala long mynta ka sngi 25 tarik u Risaw haka jingïakhun 4th Quarter Final ha madan Wahiajer Multi-Sports Complex.
Haba phai sha ka jingïakhun ka Larnai SC kala lah ban pynliem da 3-1 kol ïaka Dongmihsngi SC, ïa kitei ki kol na ka Larnai SC la thep da u Shaniah Nongrum haka minit ba 17, u Mebanrap Shadap haka minit ba 48 bad u Iadonryngkat Kharshohnoh haka minit ba 65. Ïa ka shikol na ka Dongmihsngi SC la thep da u Dame Laloo haka minti ba 46.
La pyntip ka jingïakhun ‘Semi Final’ ba nyngkong jong kane ka lympung kan long haka 30 tarik u Risaw hapdeng ka Nongkhroh Mawsiang pyrshah ïaka Khliehtyrshi SC. Katba ka jingïakhun ‘Semi Final’ ba ar kan long haka 1 tarik u Naiwieng, 2025 hapdeng ka Ummulong SC pyrshah ïa ka Larnai SC
