Ka Meghalaya State Olympics Association (MSOA) ha ryngkat ka jingiatreilang bad ka Directorate of Sports & Youth Affairs ka sorkar jylla mynta ka sngi ka 7 tarik July 2025 ka la pynbna ba kan pynlong biang ia ka 4th Sohra Half Marathon ha ka 27 tarik September 2025.
Haba kren bad ki nongthoh khubor u Working President jong ka Meghalaya State Olympic Association u Bah John F Kharshiïng u la ong ka jingpynlong ia kane ka marathon ka long kum shi bynta ban kyntiew ha ka kam mareh.
Na ka liang u General Secretary ka Meghalaya State Olympic Association u la pyntip ba ia kane ka 4th Sohra Marathon yn phiah ha ki lai tylli ki bynta kata ka jingmareh kaba 21 km, ka jingmareh kaba 10 km, bad ka jingmareh kaba 5 km.
U la bynrap ruh ba ka tarik ba khatduh ban pynrung kyrteng kan long ha ka 10 tarik u September 2025.
Haba bynrap shuh shuh, u General Secretary ka MSOA u Bah Finely Pariat u la pyntip ba baroh ki nongiashim bynta kiba la pynrung kyrteng kin hap ban shim ia ki T-shirt bad ki Bib Number jong ki, bad ba ka seng kan sa sam ruh ia ki timing chips ba la pynkhreh da ka Athletic Federation of India. Ki nongmareh ki dei ban phong ia ki T-shirt ba la pynbna da ka sorkar khnang ban ioh ban iashim bynta ha kane ka jingiakop.
shuh shuh na ka liang ka Meghalaya State Olympic Association ka khmih lynti ba ha kane ka kynti kaba mynta kumba 10,000 ngut ki nongmareh, kynthup ïa ki nongïalehkai na Meghalaya, kiwei kiwei ki jylla jong ka ri India, bad wat ki nongïashim bynta nabar ri kin wan ban iashim bynta lang.
Ki nongjop ha kane ka 4th Sohra Marathon ki long ha ka 21k Elite Open above 18 Years shynrang bad kynthei ba wan ba nyngkong 1,50,000, ba ar 75,000 , ba lai 50,000.
Ha ka 21K Open (above 18 Years ) kynthei bad shynrang ba wan ba nyngkong 50,000 , ba ar 30,000, ba wan ha ka kyrdan ba lai 20,000 , ha ryngkat bad ki consolation prize 5000 marwei haduh 5 ngut.
Ha ka 10k open (18 to below 40 years) Kynthei bad Shynrang ba wan nyngkong 30,000, ba ar 20,000, bad ha kyrdan ba lai 10,000, ha ryngkat bad ki consolation prize 5000 marwei haduh 5 ngut.
Ha ka 10K open (40 to 55 years) kynthei bad shynrang, ha ka kyrdan ba nyngkong 25,000, ha ka kyrdan ba ar 15,000 , ha ka kyrdan ba lai 10,000, ha ryngkat bad ki consolation prize, 3000 marwei haduh 3 ngut.
Ha ka 10k open (55 years above) kynthei bad shynrang ha ka kyrdan ba nyngkong 25,000, ha ka kyrdan ba ar 15,000, ha ka kyrdan ba lai, 10,000 , ha ryngkat bad ki consolation prize 3000 marwei haduh 3 ngut.
Kumta ka Meghalaya State Olympic Association ha ryngkat bad ka jingiatreilang bad ka tnad sports jong ka sorkar jylla ka khot ka wer ia baroh ban iashim bynta ha kane ka jingiamareh 4th Sohra Marathon.
