Ka Khasi Jaintia Presbyterian Synod Sepngi lyngba ka “Agency for Sustainable Development Initiative’ ha ryngkat ka jingiatreilang bad ka tnad Social Welfare jong ka sorkar jylla kan pynlong ia ka Shillong Run 10k 2025 ha ka 2 tarik August ha ka por 5:30 mynstep ha parking Lot Polo.
Haba kren sha ki lad pathai khubor u Rev SC Dienggan u la ong na ka liang ka Agency for Sustainable Development Initiative( ASDI ) ka pynpaw ia ka jingsngewnguh ia ka tnad Social Welfare Department jong ka Sorkar Jylla kaba la ai jingkyrshan pura haba iadei bad ka jingpynlong ia kane ka Shillong Run mynshem snem.
Ka jingthmu ha kaba pynlong ia kane ka jingmareh ka long kum shibynta ban pynsngewthuh ia ka jingeh bad ka jingiaryngkatbor ki briew kiba duna ha ki dkhot met, kaba ar ka long ban pynmih fund ia ki project kiba ka synod ka la seng na ka bynta ki briew kiba don jingduna ha ki dkhot met, kata ka Mairang Vidyajyoti Secondary School, Community Based Rehabilitation programme Mairang.
Shuh shuh u la ong kino kino kiba don ka jingthmu ban iashimbynta ha kane ka jingmareh ki lah ban register ne pynrung kyrteng ha ka online lyngba ka Website www.afsdi.Org. Shillongrun 2025 ne da kaba phone ha kine ki number 8787545266, 8974761582.
Haba iadei bad ka Bai registration Fees ia kito kiba hapoh 15 snem kiba napoh jylla ka dor ka long 300 tyngka, na ka bynta ki kynthei bad shynrang, kiba na bar jylla ka dor ka long 400 tyngka, bad ia kiba 15 snem shaneng haduh 18 snem ka dor ka long 400 tyngka napoh ka jylla bad ia kiba na bar jylla ka dor long 500 tyngka, ia kiba 18-35 snem ia kiba na jylla ka dor ka long 800 tyngka, bad ia kiba nabar jylla ka dor ka long 1000 tyngka, bad ia kiwei kiwei ki category naduh 35-45-55-65 ka dor ka long 600 tyngka bad ia kiba na bar jylla ka long 700 tyngka.
Shuh shuh u la ong haba iadei bad kito kiba duna dkhot met kin don tang ar bynta kata ha ka Junior hapoh 15 snem bad 15 snem shaneng bad na ka bynta jong ki ym donkam siew ia ka bai registration.
U la bynrap ka jingpynrung ia ki kyrteng na ka bynta ka shillong Run kan kut ha ka 28 tarik July 2025.
Haba iadei bad ka jingmareh ha kane ka shillong run ha ka kyrdan Senior kin sdang na Parking Lot Polo, sha Lawmali, Community Hall Jaiaw, Lumpyllon Jaiaw, St Joseph, Jaiaw Pdeng, Riatsamthiah, Umsohsun, GS Road, Khyndailad, DC Office, Raj Bhavan, Barik Point, Malki Point, Dhankheti Points, Don Bosco Square, Shillong College, Shillong Commerce, PGT College, BK Bajoria school, 4ft furlong, bad pynkut ha Parking Lot Polo.
Na ka bynta kiba 15 snem bad ia kiba duna dkhot met ka jingsdang ka long kumjuh haduh khyndailad bad na khyndailad kin iaid lyngba ka hotel Pegasus, Hotel Polo Towers bad kin poi ha Parking Lot Polo.
Ka khusnam na ka bynta ki nongjop ha kane ka Shillong Run ki long na ka bynta kito baroh kiba iashim bynta kiba pyndep yn ai medal bad ki certificate.
Kiba jop ha ka open category 18-35 snem na ka bynta ki kynthei bad shynrang ka long 55,000 hajar ba wan ba nyngkong, 35,000 hajar ba wan ba ar, 25,000 hajar ba wan ba lai.
Haba iadei bad kiwei kiwei ki category, ba wan nyngkong ka dei 6000 hajar, 4000 hajar ba wan ba ar, bad 3000 hajar ba wan ba lai bad kan don ruh ka consolation prize ia kiba wan ha kyrdan ba 4 haduh ka kyrdan ba 7 tang ia kiba 18 haduh 35 snem bad kiba duna dkhot met.
Khatduh u la kyntu ia baroh ban wan shim ia ki bib bad ki chest number napoh ka ophis jong ka KJP Synod Sepsngi Mission Compound ha ka 31 tarik July bad 1 tarik August naduh ka por 11 baje haduh 5 baje janmiet.
