Kum shi bynta ban ai mynsiem shuh shuh bad pynshlur ruh ia kiwei ki para samla ha ki kam ïalehkai sports , ki khynnah skul barim jong ka Nativity Higher Secondary School Alumni Association hapoh ka jingialam u bah Kynpham Kharlyngdoh uba dei u President mynta ka sngi ka 15 tarik u Naitung 2025 ki la ioh ban punkup ia ka samla Banrihun Lyngdoh hapoh Nativity Higher Secondary School, Mawkyrwat SWKHD .
Kum ban shu kdew ka samla Banrihun Lyngdoh 17 snem ka karta kadei kaba dang pule ha ka klas 9 hapoh Nativity Higher Secondary School , Mawkyrwat bad kadei ka samla kaba la ioh ban khur Ar tylli ki takma ksiar ha ka lympung National Arm Wrestling Championship 2025 kaba la pynlong da ka Kerela Arm Wrestling Association.
Ha kane ka sngi la sakhi lang naduh u Principal ka Nativity Higher Secondary School, u Fr Alfonsius Wahlang, ka Sister Sabina Mawiong , Headmistress, samla Dawningstar Marwein, bah Kordor Kharlyndoh , ki nonghikai lem bad ki khynnah skul.
