Ka jingialehkai phutbol jong ka 8th inter-dong bala pyniaid da ka Seng Samla Khlachympa Sports and Cultural Club Nongtalang mynta ka sngi ka la long hapdeng ka Amlariang Sport Club pyrshah ia ka New Nonglamin Sport Club ha ka por 2.30 baje nohphai sngi.
Haba phai sha ka jingiakhun ka Amlariang SC kala pynliem iaka New Nonglamin SC da 1-0 kol. Ia kane ka kol la ioh ban thep da U Ahchlang Pohchen jong ka Amlariang SC, ha kaba u la rah ruh ia ka Namtam (Man of the match) mynta ka sngi.
Wat hapdeng ka jingpynwit u slap bad ka bor mariang hynrei ka jingialehkai ka iaid beit bad ka long kaba itynnad bad kaba pynhun ia ki nongwan peitkai.
