Ka jingiakhun jong ka 8th inter-dong bala pyniaid da ka Seng Samla Khlachympa Sports and Cultural Club Nongtalang ka la nangiaid shakhmat bad mynta ka sngi kala poi sha ka jingialehkai semi-final ba ar hapdeng ka Banan Sport Club pyrshah ia ka Amlariang Sport Club ha ka por 2 baje nohphai sngi.
Ha kane ka jingiakhun ka Banan SC kala pynliem ia ka Amlariang SC da 6-2 kol.
Haba phai sha ka jingialehkai mynta ka sngi ka long kaba itynnad bad hun ban peit hynrei ka Amlariang SC kam lah pat ban khang lad ia ka jingtbit jong ki rangialehkai jong ka Banan SC.
Ia ki 6 goal jong Banan SC, la ioh ban thep da u Tei Tariang 3 kol, u Joty Pohlong 1 kol, u Rimiky Mukhim 1 kol bad ia ka 1 kol pat la kum thep bakla da u goalkeeper hi ka Amlariang SC (own goal), katba na ka Amlariang SC pat la ioh ban thep da u Tyrmai Pohchen bad u Last Pohchen mar shi kol.
Ia ka Namtam (Man of the match) la ioh da u Tei Tariang jong ka Banan SC.
Na kane ka jingjop ka Banan SC kan sa ia khun pyrshah ia ka New Nonglamin SC ha ka Final jong ka inter-dong mynta u snem bad ia tarik un sa pynbna pat kham hadien.
